Доколку „исечете“ вулкан на половина, како би изгледала неговата внатрешност? За повеќето вулкани се претпоставува дека во внатрешноста имаат голема комора со магма која е поврзана со површината преку тесен канал. Но детална анализа на закопаниот изгаснат вулкан помеѓу Фарските Острови и архипелагот Шетланд открива дека внатрешноста на вулканите не е толку едноставна.
Вулканот Ерленд последен пат еруптирал пред 55 милиони години и денес се наоѓа под талог дебел повеќе од еден километар. Фај Вокер од Универзитетот во Абердин и негови колеги користеле сеизмички фотографии и податоци од локации за копање нафта за да ја илустрираат
внатрешноста на стариот вулкан.
Нивните фотографии, објавени во списанието „
Џиолоџи“, откриваат структура што личи на елка, која покажува дека комората на махмата растела како дрво и секој свеж дел магма создавал нови „гранки“.
Оваа структура одговара на теоријата дека во вулканите само еден дел од комората е стопен во одреден момент. Ова покажува дека „гранките на дрвото“ од магма играат клучна улога во активацијата на вулканите.
Автор: Кејт Равилус
Извор:
theguardian.com
Насловна фотографија:
Pexels