Еве пет совети што ќе ви помогнат да дејствувате попаметно оваа година, а ако повторно направите грешка, брзо ќе се вратите во нормала.

Не заборавајте да пиете вода

Ако јадете прекумерни количини свинско месо и друга мрсна храна, не треба да ја заборавите водата. Доволна количина вода во вашето тело ќе ве спаси од проблеми со желудникот. Доволно е да се каже дека водата е составен дел од процесот на варење, а исто така ви дава чувство на ситост, па дури може да ве измами да не ги земете последните две парчиња месо што планиравте да ги изедете.

Излезете од дома и прошетајте

Веќе сте внеле огромна количина калории, колку што му треба на целото семејство. Во такви околности, сакате само да легнете, но тоа е најлошото нешто што можете да го направите. Принудете се да излезете од куќата и да прошетате. Не мора да се трча, да се вежба или да се плива, туку само прошетка е доволна.

Влакната како пријател на организмот

Експертите велат дека треба да внесуваме доволно влакна во нашите тела во текот на целата година. Ако неодамна сте јаделе многу масна и тешка храна, особено за време на зимските празници, влакната ќе ве спасат од цревни блокади. Влакна ќе најдете во зеленчук како кељ и житарки како трици. Овие намирници немаат одличен вкус, но обидете се да размислувате за позитивните својства на храната. Влакната ви даваат чувство на олеснување додека се движат низ вашето тело.

Побарајте помош од бактериите

Цревата се полни со бактерии, но некои од нив се таму за да ни помогнат. Добрите бактерии постојат за да одржуваат рамнотежа во нашите тела, но и за да ги исфрлаат лошите бактерии што се размножиле. Бомбардирањето на желудникот со нездрава храна воведува нерамнотежа меѓу бактериите, но за среќа ова може да се коригира. Со консумирање пробиотици можете да ги вратите бактериите во нормална состојба што ќе им овозможи на вашите црева нормално да функционираат.

Денови за јаболка

Откако ќе изедете нездрав оброк, и тоа не само еден, количината на масти во крвта се зголемува, а ако овие масти почнат да создаваат блокади, тоа може да доведе до големи проблеми. Јадењето доволно јаболка е одличен начин да внесете растворливи влакна кои ќе ви помогнат да ги намалите нивоата на масти во крвта. Покрај јаболка, добро е да консумирате моркови, грав, грашок и овес.

Ова се неколку совети што ќе ви помогнат да се чувствувате добро дури и по ден во кој „сè е дозволено“.

Извор: 6yka.com

Фото: Freepik