Хрватскиот „Јутарњи лист“ објави исповед на студенката Сара, која признава како денес се препишува на онлајн-тестовите и испитите.
- Вторник, 10 часот наутро. 30 нервозни лица се натискани на екранот на лаптопот на професор од еден универзитет во Загреб. Во тек е писмениот онлајн-испит на студентите од трета година. Професорот контролира колку што може, без разлика дали неговите студенти гледаат горе, долу, настрана или се на телефон или можеби надвор од рамките на нивните камери имаат асистент. Задоволен е, сите глави се задлабочени во екраните, но пред една камера се спроведува генијален план за
препишување. Еден студент ќе го положи испитот без да напише ниту една буква.
Професорот нема ни да забележи.
Сара, студентка од трета година, која присуствувала на испитот, се согласила детално да каже како точно го направила „совршеното злосторство“, но под услов „Јутарњи“ да не ги објави нејзиниот идентитет, факултет и испитот што го полагала. Значи, Сара не е нејзиното вистинско име. Како што вели таа, лесно е да се измами системот. Премногу едноставно.
Задачите се решаваат сами
Како што вели, пред испитот го инсталирала „Тимвјуер“ на својот лаптоп, програма што лесно може да се најде на интернет. Инсталацијата трае 30 секунди и му овозможува на друг компјутер да го поврзе и контролира. Истата програма се користи за работа од дома, односно за поврзување на компјутерот од дома со компјутерот на работа. Во основа, на друг компјутер, на кој Сара му дала контрола, седел нејзиниот пријател и колега Никола.
Како што се договориле, тој полагал испит за неа така што управувал со нејзиниот лаптоп од далечина. Сара седнала пред камерата на својот компјутер и се преправала дека пишува, а Никола, имајќи контрола над нејзиниот лаптоп, решавал задачи. Ретко кој би забележал дека Сара не управува со нејзиниот лаптоп и дека задачите ги решава друг.
Фото: Freepik
Не постои начин професорот да докаже дека таа не го полага испитот гледајќи ја на камера. Дури и да погледнете настрана од нејзиниот лаптоп, ќе имате тешкотии да заклучите дека задачите се решаваат од друг компјутер. Кога завршил испитот, таа ја вратила контролата над својот лаптоп, ги предала одговорите и се одјавила.
Сара го положила испитот.
Ова е само еден од неколкуте начини на кои се препишува на онлајн-испитите.
Фактот дека испитите не се полагаат во просториите на факултетите, туку дома, пред лаптопите, им олесни на оние студенти што се снаоѓаат на испитите наместо да учат. Покрај „Тимвјуер“, некои студенти користат и приватни разговори, па тајно комуницираат за време на испитот, ставаат слушалки во увото за време на усното испитување, а некои не се двоумат да го викнат својот пријател или колега пред камера за да го реши испитот за нив.
Главно, денешната студентска генерација, дигитални домородци, секако има предност во однос на нивните постари и информатички лошо потковани професори. Тешко е да се утврди колку се широко распространети овие методи на мамење меѓу студентската популација, а повеќето од професорите на факултетите сметаат дека мал број студенти се одлучуваат да препишуваат на испит.
Може да се заклучи дека во општество каде што многу се зборува за успех, кариера, профит и професионален подем, а малку за вистинските начини како да се стигне во тоа, академската нечесност ќе расте паралелно со социо-економскиот развој.
Извор:
Jutarnji.hr
Фото: Freepik