Европското здружение за кардиологија штотуку ги објави резултатите од студијата во која е евалуиран електронски чорап како алатка за дијагностика и третман за дијабетес.
Нормално, телото ја разградува храната во гликоза. Кога ќе влезе во крвотокот, панкреасот ослободува инсулин, хормон кој им сигнализира на клетките да го апсорбираат. Кај пациенти со дијабетес, овој суштински процес не функционира. Клетките не ја добиваат потребната енергија и шеќерот се акумулира во крвта.
Чорап кој порано дијагностицира дијабетес
Секоја година на 1,2 милиони Американци им се дијагностицира дијабетес, покрај 537 милиони кои веќе го имаат низ светот. Раното откривање може да го одложи почетокот на болеста. Исто така, може да спречи сериозни компликации како што се оштетување на секој орган, повеќе или помалку. Сепак, поради начинот на кој се манифестира болеста, тешко е да се согледа во раните фази.
Високиот крвен притисок ги оштетува нервите и крвните садови. Тоа на крајот влијае врз начинот на кој луѓето одат, според авторот на студијата, д-р Ки Хонг Ли, што може да доведе до други проблеми како што се чирови. Ако не се лекуваат, тие можат да се инфицираат. Во најтешките случаи е потребна ампутација.
- Раното идентификување на проблемите со одењето, со користење електронски чорап, ќе им овозможи на пациентите да научат здрав стил на одење и да спречат сериозни проблеми со стапалата. Раните симптоми вклучуваат вкочанетост, пецкање, болка и губење на чувството во нозете - вели д-р Ки Хонг Ли.
Понатаму, луѓето со дијабетес се изложени на поголем ризик да развијат проблеми со срцето. Лекарите откриле дека можат да решат два проблема одеднаш со користењето на чорапот.
Следење на срцето
Во една неодамнешна студија лекарите се обиделе да истражат колку рано можат да откријат дијабетес и колку добро можат да го следат срцето. На 40 учесници им дале чорап со сензор за балистокардиограм (BCG) што требало да го носат додека стојат и одат. Половина од нив имале дијабетес, а другата половина не. Во исто време, тие направиле ЕКГ, стандардна електрокардиограмска процена на нивното срце. На тој начин лекарите би можеле да проценат како влијае чорапот.
- BCG го детектира движењето на телото додека срцето исфрла крв и потенцијално може да се користи за мерење на отчукувањата на срцето и притисокот на нозете при одење. Чорапот функционираше. Студијата покажа дека бевме во можност да детектираме дијабетес, да идентификуваме пациенти со слаба циркулација и да обезбедиме точно мерење на срцето како со ЕКГ. Споредбата на BCG помеѓу пациентите со дијабетес и контролните покажа дека првите вршеле поголем притисок во метатарзалната област на стапалото додека оделе. Новиот чорап произведе точни мерења на отчукувањата на срцето како што е наведено од речиси идентичните вредности од ЕКГ прегледот - заклучил д-р Ли.
Мерењата на притисокот покажале дека чорапот може да идентификува пациенти со дијабетес, а исто така може точно да ги посочи пациентите со дијабетес и слаба циркулација. Резултатите посочуваат дека електронскиот чорап може да биде лесен, неинвазивен начин да се лоцираат пациенти со дијабетес, кои би можеле да имаат корист од обуката за правилно одење за да се спречат компликации на стапалата.
Извор: Interesting engineering
Фото: Pexels