Еден микроскулптор од Турција ја изработи најмалата табла со фигури за шах во светот. „Таблата“ има размер 0,89 на 0,89 сантиметри.

Некати Коркмаз тврди дека неговата минијатурна творба е двапати помала од онаа што сега го држи Гинисовиот рекорд.

За да го создаде овој шах, му биле потребни шест месеци и шест часа работа на ден под микроскоп. Коркмаз е горд на своето дело, оти, меѓу другото, тоа е и целосно функционално. Но, шахистите ќе треба да имаат микроскоп за да ги видат фигурите…

Турчинот досега дизајнирал над 40 микротворби кои се изложени во неговиот уметнички центар во Кушадаси.