Нов научен труд тврди дека има психолошки поволности од минимализмот и едноставноста во живеењето.
- Многу истражувања низ годините ја поддржуваат поговорката дека парите не ја купуваат среќата - велат авторите на истражувањето водени од Џошуа Хук од Универзитетот на Северен Тексас.
Според нив, минимализмот или едноставноста во живеењето претставува животен стил што се фокусира на намалена потрошувачка и давање приоритет на вредностите на луѓето. Истражувачите анализирале 23 студии од областа и откриле дека во над 80 отсто од квантитативните и над 85 отсто од квалитативните студии се потврдува врската помеѓу минималистичкиот начин на живот и благосостојбата.
Фото: Pixabay
- Генерално, големо мнозинство од студиите потврдуваат позитивна врска помеѓу доброволната едноставност и благосостојбата - изјавиле истражувачите.
Според авторите, минималистите најчесто подобро ја контролираат желбата за трошење, а овој начин на живот може да ги охрабри луѓето да се фокусираат на психолошките потреби, како автономност и вештини.
Тие додаваат и дека минимализмот може да има поголемо влијание врз некои луѓе бидејќи оваа врска е посилна кај лицата со помалку примања и постарите испитаници.
Извор:
Psychology Today
Фото: Pixabay