На само 15 километри од брегот на јапонскиот град Нагасаки во морето се издигнува напуштениот остров кој на прв поглед наликува на огромен воен брод. Поради својот изглед, местото го носи прекарот Гунканџима, т.е „Боен брод“. Вистинското име е остров Хашима, а она што го прави посебен не е само неговата форма, туку и мрачната и сложена историја што ја носи.
Кон крајот на 19 век откривањето на јагленот го претворило овој мал остров во еден од најважните индустриски центри на Јапонија. Компанијата „Мицубиши“ го купила Хашима во 1890 година и започнала со изградба на рударска населба која, во својот врв, имала сè што било потребно за живот: згради, училиште, болница, продавници, па дури и забавни содржини како популарната игра „Пачинко“.
Жителите уживале во привилегиите: високи плати, модерно опремени станови, па дури и сателитска телевизија, што во тоа време била реткост. До 1959 година островот станал едно од најгусто населените места на светот - на само 16 хектари живееле повеќе од 5.000 луѓе.
@heng7gneh Hashima Island (also known as Gunkanjima) is 19 kilometres off the coast of Nagasaki. The island was formerly a symbol of Japan's fast industrialization as a world-class undersea mining enterprise. Mitsubishi purchased the then-uninhabited island in 1890 and quickly rebuilt it with contemporary structures and infrastructure. These comprised the first concrete apartment buildings and electric lights. By the 1950s, the population had grown to 5,000 people, drawn by good wages and a distinct mining culture. However, as coal power gave way to petrol, coal prices declined, and several mines, including Hashima, were permanently closed. By 1975, the island had been fully abandoned. #hashimaisland #abandonedisland #battleship #gunkanjima #ghostisland #nagasaki #japan #CapCut ♬ Pleasant sound of piano and natural sounds(792487) - 4.5Music
Темната страна на островот
Сепак, зад сјајот на индустрискиот успех се криела темна страна. За време на Втората светска војна многу Корејци и Кинези против своја волја биле однесени на островот Хашима за да работат во рудниците. Затворени на островот опкружен со високи ѕидови и море, тие работеле во тешки и нехумани услови, без можност за бегство. Многумина ги загубиле животите исцрпени, гладни и заборавени.
Оваа мрачна епизода долго време била заборавена, сè додека Хашима не стана дел од Списокот на светско наследство на УНЕСКО во 2015 година, како дел од јапонската индустриска револуција. Иако било договорено дека историјата на принудниот труд не смее да се прикрива, многумина сè уште прашуваат дали таа страна на приказната е доволно јасно прикажана.
Остров заробен во минатото
Кога резервите на јаглен биле исцрпени, „Мицубиши“ го напуштил островот во 1974 година. Жителите заминале, а она што останало постепено пропаѓало. Денес, Хашима изгледа како град на духови со напуштени згради, обраснати патеки, тишина која повремено ја нарушува само шумот на ветерот. Природата почна да го враќа она што некогаш ѝ било одземено.
Токму таа атмосфера на напуштеност ги привлекува туристите од целиот свет. Од 2009 година се организираат тури за посетителите да го видат островот, нудејќи им можност да погледнат во еден заборавен и поинаков свет.
Филмска сцена и место на сеќавање
Поради својот уникатен изглед и морничавата енергија, Хашима послужи како инспирација за голем број филмови, меѓу кои и „Скајфол“ од серијалот за Џејмс Бонд, каде што беше користен како локација за судирот меѓу агентот 007 и неговиот противник.
Важно е да се запомни дека островот е место кое носи тешка приказна, бара почит и разбирање и повикува на размислување за тенката граница помеѓу напредокот и експлоатацијата.
Извор:
24sedam.rs
Фото:
Wikipedia