Нов вид почва може да ја извлекува водата од воздухот и со неа да ги наводнува растенијата, известуваат група истражувачи. Оваа почва, способна за самонаводнување, може да го смени земјоделството низ светот со тоа што ќе го намали количеството вода што се користи за производство.
Истражувачите создале систем за наводнување со гелови кои ја апсорбираат влагата од воздухот. Кога почвата ќе се загрее на одредена температура, геловите ја испуштаат водата и со неа се наводнуваат растенијата. Кога почвата ја испушта водата, дел од неа се враќа во воздухот и ја зголемува влагата, а со тоа го олеснува целиот циклус.
Геловите во почвата ја извлекуваат водата од воздухот во
постудени и повлажни периоди во текот на ноќта, а сончевата топлина во текот на денот ги активира да ја испуштат водата во почвата.
Фото: Pixabay
Џуихуа Ју, професор на Универзитетот на Тексас во Остин, објаснува дека секој грам од оваа почва може да извлече приближно 3-4 грама вода. Во зависност од земјоделската култура, околу 0,1 до 1 килограм од почвата може да обезбедат доволно вода за наводнување еден квадратен метар земјиште.
Според Феи Џао, истражувач, речиси секоја почва е доволно добра за одгледување растенија, но ограничениот пристап до вода игра најголема улога, а оваа почва може да го реши тој проблем.
Автор: Нет Леви
Извор:
weforum.org