Живеењето во населба каде што продавницата, аптеката или клиниката се наоѓаат на само неколку минути пешачење не само што го олеснува секојдневието, туку и носи здравствени придобивки и поголемо чувство на поврзаност во заедницата.

Истражувањата покажуваат дека пешачките зони поттикнуваат поголема физичка активност, намалени стапки на дебелина и понизок индекс на телесна маса (БМИ), додека истовремено придонесуваат за поголема среќа преку социјални интеракции.


Кои се најпогодните градови за пешачење?

Подолу е листата со 20. најпогодни градови за пешачење, заедно со просечното време потребно за да се стигне до најважните содржини.

На листата доминираат европските градови: дури 45 од 50. најпогодни градови за пешачење се во Европа, распоредени низ Италија, Шпанија, Франција, Норвешка, Германија, Велика Британија и други земји.


Голем дел од европските градови биле изградени во време кога пешачењето било главно средство за движење, што резултирало со компактни урбани средини со тесни улички и блиска поврзаност меѓу станбените зони, продавниците и јавните простори.

Дополнително, многу европски држави активно ги поддржуваат пешачките зони преку стратегии како „Паневропскиот мастер-план“ за пешачење, кој преку урбани редизајни и национални политики им дава приоритет на пешаците.

Во споредба со тоа, северноамериканските градови, кои најчесто се дизајнирани околу автомобилите, целосно изостануваат од листата со најпогодни градови за пешачење.
Најдобро рангиран северноамерикански град е Ванкувер, Канада, кој се наоѓа на 53. место.

Извор: Visual Capitalist
Фото: Visual Capitalist