Дали некогаш сте се прашувале дали образованието игра улога во напредоците во борбата против некои болести или колку новите технологии го менуваат начинот на кој учениците размислуваат и учат? Организацијата за економска соработка и развој спровела ново истражување за трендовите кои го обликуваат образованието.

Во рамките на истражувањето се гледало на социјалните, демографски, економски и технолошки трендови кои влијаат на образованието и неговата иднина. Целосниот извештај ќе биде објавен на 18 јануари, а на блогот беше објавен краток поглед во најважните откритија.

Урбаниот начин на живот, кој е попопуларен денес, има особено големо влијание врз образованието. Бројот на населението кое живее во урбани региони пораснал за 20% од 1960 до 2013 година.

Друг тренд е порастот на паметниот превоз. Од времето кога бил отворен првиот метро-систем, се забележува постојан раст во бројот и облиците на јавен транспорт. Сега се забележува популарност на услуги кои го намалуваат загадувањето и ја зголемуваат флексибилноста, како електричните автомобили или велосипедите.

Образованието може и има улога во сето ова, преку учејќи за цивилното однесување, обезбедувањето на вештините потребни за живот во општеството и поддржување на креативноста и иновативноста низ целиот живот. Дизајнирањето урбани региони и зголемувањето на јавниот транспорт ќе бара архитекти и инженери, а училиштата ќе бидат одговорни за обезбедување на безбедноста на студентите. Училиштата треба да бидат подотвени за адаптирање и растење заедно со урбаните околини.

Меѓу другите теми кои се споменуваат од истражувањето се глобалните трендови како миграцијата и климатските промени; националните трендови како здравјето и финансиите; семејните трендови како развој на детето; и технолошки трендови.