Денес е понеделник, 18 јули 2016 година, 200-иот ден во годината.
Сонцето изгреа во 05:10, а ќе зајде во 20:07 часот. Денот ќе трае 14
часа и 57 минути.
Ова утро во поголем дел од Македонија имаме претежно сончево и посвежо
утро. Во северозападните, западните и североисточните предели имаме
зголемена облачност. Во наредните часови оваа облачност ќе се придвижува
кон јужните предели на Македонија.
МАКЕДОНИЈА - Во Македонија денес по свежото утро во текот на денот ќе
биде умерено облачно со сончеви периоди. Во доцните попладневни часови
постепено намалување на облачноста. Ќе дува доумерен засилен
северозападен и североисточен ветер кој ќе достигне брзина и до 50 км/ч.
Утринските температури од 9 до 18 степени, додека пак максималните
дневни ќе достигнат до 17 односно до 29 степени. УВ индексот ќе има
вредност 5.
СКОПЈЕ - Во Скопје денес умерено облачно со сончеви периоди, ветровито и
свежо време. Во доцните попладневни часови постепено намалување на
облачноста. Ќе дува доумерен засилен северозападен ветер. Утринската
температура од 16 степени, а максималната дневна до 25 степени. УВ
индекс 5.
МАКЕДОНИЈА 5 ДЕНА - Во Македонија во наредните денови ќе продолжи
стабилното време со пониски утрински температури, додека пак
максималните ќе бележат еден тренд на пораст. Во вторник претежно
сончево со локална облачност и максимални температури од 19 до 30
степени. Во среда сончево и потопло со температури кои ќе се движат од
22 до 33 степени. Сончево и потопло време не очекува во четврток и петок
кога максималните температури ќе достигнат од 23 до 34 степени, односно
од 26 до 37 степени.
Weather4all.com.mk