Во една шума камера на полската невладина организација „Сејв вајлдлајф конзервејшн фанд“ забележа нешто необично. Снимено е како волци го преминуваат потокот и потоа скокаат на брегот од спротивната страна.

Два волка биле целосно црни, што е многу ретка боја за овој вид, бидејќи волците во Европа најчесто се сиви, со црвеникави или црни нијанси.

Организацијата не откри точна локација каде биле забележани црните волци. Јоана Точидловска, раководителка и координаторка на проектот, вели дека волците веројатно го наследиле генот кој е одговорен за оваа необична боја преку мешање со домашни кучиња.

Таквите гени носат и предности и недостатоци: од една страна, ја зголемуваат отпорноста на болеста штенечак кај кучињата, но од друга страна, ја намалуваат плодноста и општото преживување.

Организацијата планира да собере измет од црните волци од тоа подрачје за да дознае повеќе за потеклото на нивниот ген.

Во Полска денес живеат околу 1.900 волци, присутни се во сите поголеми шуми и во многу помали подрачја. Најмногу има на северот, истокот и западот на земјата, а помалку на југоистокот.

 

Извор: Nezavisne.com
Фото: Screenshot/YouTube