Според една нова студија направена со 2000 деца од 80 основни училишта во Девон, најмалите деца во одделенијата имаат позагрозено ментално здравје отколку нивните соученици.


Обично се мисли дека децата кои порано ќе почнат со училиште се попривилегирани, но сега се осознава дека тоа не е точно. Имено, овие деца се повеќе изложени на стрес поради напорот да не заостануваат зад соучениците, особено ако дополнително имаат потешкотии во учењето.

Оваа студија е објавена во магазинот Child Care, Health and Development, а истата би можела многу да влијае родителите да го одлагаат заминувањето на децата во училиште. Таа исто така би можела да го смени и пристапот кој наставниците го имаат кон најмладите ученици.

Научниците од студијата обрнале внимание и на однесувањето на нивото на среќа и однесување на децата кои рано тргнуваат на училиште, но не нашле значајни разлики меѓу помладите и постарите деца.

Според нив, да се биде најмлад во училиштето може, но и не мора да биде штетно. За предвремено родените или за оние со тешкотии во учењето ова може да биде значаен предизвик, и поради тоа треба да се преземат сите мерки за да нема несакани последици.