Бласкет, остров што се наоѓа на брегот на Ирска, бара двајца луѓе што ќе се преселат таму и ќе работат шест месеци - од април до октомври, објави туристичкиот центар на овој остров минатата недела на твитер-профилот.
- Се бара единствена позиција - долгорочно управување со сместувањето и кафулето на островот. Пар или двајца пријатели. Од 1 април 2020 до октомври 2020 година. Обезбедени се сместување и храна - пишува на твитот иако не е наведена платата за таа работа.
Бласкет е најголемиот остров од групата острови наречени Бласкети кои се наоѓаат на западниот брег на Ирска.
Островот е познат по својата дивина, но неговиот недостапен терен го прави ненаселено подрачје. Според магазинот „Смитсонијан“, најголем број луѓе што живеат на островите е 160.
На веб-страницата на островот Бласкет пишува дека во последните неколку години се реставрирани многу куќи и се обезбедени погодности за посетителите на островот. Но, пишува и дека питката вода е ограничена, така што се бара од посетителите да донесат своја.
Освен тоа, островот нема интернет, струја или топла вода за туширање.
- Интензивна и тешка, но едноставна позиција - вели Алис Хајс, одговорна за објавување огласи за работа.
- Тоа е враќање на
основата - оган, свеќи, шпорет на дрва, дивина и природа - додава таа.