Природата на овие места е магична во текот на целата година, но зимата им дава посебен шарм.
Еве неколку навистина волшебни места кои стануваат уште поневеројатни кога ќе започне зимата.
1. Езерото Тахо, Калифорнија, САД
![taho](/images/news/2022/03/20220318-neverojatni-mesta-koi-vo-zima-stanuvaat-ushte-poubavi-1.png)
Фото: Freepik
Прекрасниот пејзаж на езерото Тахо е еден од оние што го покажуваат својот целосен потенцијал во зима. Околу него има десетина скијачки центри, а градот има и топли извори, видиковци и жив ноќен живот.
Секоја година на езерото Тахо паѓаат околу 315 сантиметри снег.
2. Гулфос, Исланд
![ezero](/images/news/2022/03/20220318-neverojatni-mesta-koi-vo-zima-stanuvaat-ushte-poubavi-2.jpg)
Фото: Freepik
Водопадот Гулфос се наоѓа на југозападниот дел на Исланд, во кањонот на реката Хвита, која се храни од Ланѓокул, вториот по големина глечер на Исланд.
Иако е моќен во лето, овој водопад е уште повпечатлив во зима кога е делумно замрзнат и кога водата што паѓа од височина од 30 метри добива живи нијанси на сина и тиркизна боја.
3. Свалбард, Норвешка
Свалбард е една од најсеверните населени области во светот, што ја прави одлична локација за набљудување на поларната светлина. Поради својата локација, градот има и поларна ноќ, која трае од средината на ноември до крајот на јануари. Во тој период сонцето не изгрева, а најсветло што може да се види е синиот самрак. Сепак, недостигот на сончева светлина само ги зголемува шансите да се забележи поларна светлина.
4. Блед, Словенија
![ezero](/images/news/2022/03/20220318-neverojatni-mesta-koi-vo-zima-stanuvaat-ushte-poubavi-4.jpg)
Фото: Freepik
Во текот на зимата езерото Блед, на северозападот на Словенија, добива ледно сина боја бидејќи ги рефлектира снежните Алпи.
5. Бајкалското Езеро
![bajkalsko](/images/news/2022/03/20220318-neverojatni-mesta-koi-vo-zima-stanuvaat-ushte-poubavi-5.jpg)
Фото: Freepik
„Светото Море“, како што домородните народи што го населувале регионот го нарекувале Бајкалското Езеро, е најдлабокото слатководно езеро во светот и секако е атракција во секое време од годината.
Но, во зима површината на водата станува долго лизгалиште. Можете да се возите со санки влечени од кучиња или коњи и со моторни санки, а има и нуркање во мраз и рафтинг на места каде што водата не е замрзната.
Извор:
National Geographic
Фото: Freepik