Медицински тим бил „испратен“ на Меѓународната вселенска станица како холограм, известиле од американската вселенска агенција НАСА. Ова се случило кон крајот на изминатата година со помош на технологија од „Мајкрософт“ и стартап-компанијата „Аекса ероспејс“.

Лекарите биле првите луѓе што биле испратени како холограм во вселената.


- Ова е сосема нов начин на човечка комуникација преку големи дистанци. Освен тоа, ова е сосема нов начин на човечко истражување, со кој луѓето може да патуваат надвор од планетата - изјавил хирургот Џосеф Шмид, еден од докторите што учествувале во проектот.

„Мајкрософт“ работи на технологијата за холограми од 2016 година. За да функционира, потребна е специјална камера од компанијата и софтвер од „Аекса ероспејс“.

Извор: Futurism
Насловна фотографија: NASA