Новата техника е исклучиво за големи броеви, а ако техниката ја помине рецензијата, тоа би можел да биде најбрзиот можен начин за множење цели броеви.
Според математичарите од Австралија и од Франција, долгото множење било единствениот начин да се множи, меѓутоа, се покажало досадно и одземало многу време кога се множат премногу големи броеви. Дури и на компјутерите, односно на алгоритамот за долго множење му биле потребни неколку месеци ако секој број имал милијарда цифри.
Меѓутоа, новиот труд неодамна објавен од Дејвид Харви од Универзитетот во Нов Јужен Велс и Јорис Ван Ховен од француската национална истражувачка агенција CNRS и Политехничката школа во Палезо, открил дека новата техника всушност функционира.
Техниката наречена алгоритам Шонхаге-Штрасен што предвидува дека треба да постои алгоритам што множи n-броеви користејќи n*log(n) основни операции, бил предложен, но никогаш не бил докажан од германските математичари.
Новиот труд докажува дека техниката е успешна и го намалува времето потребно за множење на броевите со броеви со милијарди цифри. Тоа го прави за помалку од 30 секунди.
- Нашиот труд го дава првиот познат пример за
алгоритам што го постигнува ова. Луѓето бараат ваков алгоритам речиси 50 години - вели Харви.
Но, методот нема да го забрза множењето доколку не користите навистина големи броеви. Истражувачите велат дека оваа техника е корисна за броеви со повеќе од 10^214857091104455251940635045059417341952 цифри.