Романот „Страв од варвари“ од Петар Андоновски ја освои Европската награда за литература, што ја доделува Европската Унија. Изданието на „Или-Или“ е меѓу 13-те наградени книги на автори од исто толку земји од Европа.
Освен Андоновски, кандидати за наградата од Македонија беа уште две изданија на „Или-Или“ - Давор Стојановски за „Утеха за голите“ и „Последните денови на Ханс“ од Михајло Свидерски, како и Ѓорги Крстевски за „Другата страна“, издание на „Бегемот“.
Петар Андоновски
„Страв од варвари“ е трет роман на Андоновски, а е објавен во 2018 година. Европската награда за литература досега ја добиле: Лидија Димковска („Резервен живот“), Гоце Смилевски („Сестрата на Зигмунд Фројд“) и Ненад Јолдески („Секој со своето езеро).