„Нетфликс“ го започна октомври со една од своите најамбициозни адаптации за оваа година. Новата серија „Источно од рајот“ од 1 октомври е достапна на „Нетфликс“.

Станува збор за мини-серија од седум епизоди зад која стои Зоја Казан, а главната улога ја толкува Флоренс Пју. Снимена е според истоимениот класик на Џон Стајнбек.

Новата верзија на „Источно од рајот“ е интересна и поради посебната семејна поврзаност со една од најпознатите филмски адаптации на романот на Стајнбек.

Зоја Казан е внука на режисерот Елија Казан, кој во 1955 година ја сними филмската адаптација на „Источно од рајот“ со Џејмс Дин. Додека тој филм се фокусираше на подоцнежниот дел од романот, новата серија низ 7 епизоди има многу повеќе простор да прикаже семејна приказна која опфаќа повеќе генерации.

За што се работи во „Источно од рајот“?

„Источно од рајот“ го следи семејството Траск низ две генерации. Приказната започнува со браќата Адам и Чарлс, чиј однос е обележан со љубомора, ривалство и борба за наклонетоста на нивниот татко.

Сè се комплицира кога во нивниот живот ќе влезе Кети Ејмс, која ја глуми Флоренс Пју. Таа се мажи за Адам и станува мајка на близнаците Кал и Арон, а нејзините одлуки оставаат последици врз целото семејство.

Години подоцна, и Кал и Арон почнуваат да минуваат низ слично ривалство како нивниот татко и чичко. Во центарот на серијата се наоѓаат сложените семејни односи, љубовта, љубомората, предавството и прашањето дали децата можат да ги избегнат грешките на своите родители.


Една рецензија ѝ даде пет ѕвездички

Меѓу највоодушевените критичари е „Радио тајмс“, кој на серијата ѝ додели пет од пет ѕвездички. Посебно ги пофали раскошната фотографија, актерската екипа и одлуката на приказната на Стајнбек да ѝ се посветат седум епизоди, што овозможува подетално занимавање со генерациските трауми, ривалството меѓу браќата и искушенијата со кои се соочуваат ликовите.

И во таа рецензија посебно се издвојува Хун Ли, кого го нарекуваат „тајното оружје на серијата“.

Извор: 021.rs
Фото: Screenshot/YouTube