Седењето до прозорец во авион често се смета за поповолен избор, а стјуардесите за време на летот бараат од патниците да ги подигнат ролетните на прозорците, и тоа од повеќе причини.

Иако понекогаш има предност ако однапред резервирате одредено место, повеќето патници се задоволуваат со седиштето што ќе им биде доделено. За време на полетувањето и слетувањето, стјуардесите  редовно бараат од патниците да ги подигнат ролетните.

Иако на прв поглед тоа може да изгледа како непријатно или необично барање, причината главно е поврзана со безбедноста на патниците. Стјуардесата Чер во видео објавено на нејзиниот профил на „Тик-ток“ објаснува зошто ова правило е универзално и важи за сите патници.

@itsyanachka Did you know that flight attendants aren’t actually trying to be annoying when they ask you to put your window shade up for takeoff and landing? 😅 It’s actually for safety! In case of emergency, we have to see if there’s any water, fire, or debris outside before evacuating ✈️ #FlightSafety #TravelTips #FlightAttendant #FlightAttendantTips #SafetyFirst ♬ Assumptions (slowed down version) - Sam Gellaitry

- Постојат неколку американски авиокомпании кои сè уште го бараат тоа. Бараат да ја подигнете ролетната на прозорецот за време на движењето по пистата, полетувањето и слетувањето. Ако некогаш сте се запрашале зошто, само погледнете ги сите вести за делови од авиони што отпаднале или мотори што се запалиле. Кога ќе размислите каде седат стјуардесите и пилотите, тие немаат јасен поглед кон крилата на авионот. Не можеме да го видиме целиот авион од нашите места. Авиокомпаниите кои го бараат ова сакаат да бидат сигурни дека ако нешто падне, гори или е оштетено, патникот ќе го забележи и веднаш ќе го информира екипажот - објаснува таа.

Стјуардесата нагласува дека екипажот не сака да ги вознемирува патниците со вакви барања, туку едноставно се грижи за нивната безбедност. Во случај на итна состојба, подигнатите ролетни овозможуваат екипажот побрзо да ги процени надворешните услови.

Извор: Klix.ba
Фото: Freepik