Социјалната мрежа „Фејсбук“ подготвува нови мерки за претстојните претседателски избори во САД следната година.

„Фејсбук“ најави дека внимателно ќе ги следи медиумите што се контролирани од државата и се обидуваат да манипулираат со расположението на гласачите.

- Се соочуваме со повеќе софистицирани напади од агенти контролирани од државата. Но, верувам дека сега сме многу подобро подготвени отколку за изборите во 2016 година - изјави сопственикот на „Фејсбук“, Марк Закерберг.

Една од новите мерки е дека информациите што доаѓаат од медиумите контролирани од влади на други земји ќе се појават со назнака во која ќе се наведе нивниот извор. Друга мерка е дека кога корисниците ќе се обидат да споделат вест за која е утврдено дека е лажна од страниците за проверка на веродостојноста, ќе биде издадено предупредување дека информацијата е сомнителна.