Дали знаевте дека повеќе од 50 милиони луѓе во САД работат како фриленсери кои годишно генерираат повеќе од 1 трилион долари?
Фриленс-статистиките покажуваат драматични промени предизвикани од глобалниот пресврт со појавата на ковид-19. Во последниве години фриленсингот станува актуелен како во светот така и во Македонија.
Издвојуваме пет причини зошто сè повеќе и повеќе луѓе го преферираат овој начин на работа:
1. Слобода за работа од каде било
Со овој начин на работа добиваш можност да работиш од кое било место во светот. Тоа може да биде дури и интересен ресторан, плажа, домот на пријателот или буквално кое било место што може да го замислиш, а има пристап до интернет-конекција.
2. Флексибилни работни часови
Заборави на фиксното работно време од 9 до 17. Со овој начин на работа добиваш можност сам да го направиш својот распоред на работење и да одлучиш колку време и труд можеш да посветиш на својата работа. Можеш да работиш во периодот од денот во кој се чувствуваш најфункционално. Доколку си најпродуктивен наутро, можеш да го организираш распоредот така што ќе работиш до 14 часот секој ден.
3. Работа со клиенти кои сам ги одбираш
Една од најголемите придобивки во фриленсингот е можноста да работиш со клиенти од цел свет, да запознаеш различни карактери и да развиеш пријателства насекаде низ светот. Фриленсерите избираат свои проекти врз основа на нивното искуство и желба за работа. Иако има дел од работата на фриленсерите кој не е толку многу забавен, најголемиот дел од времето за работа е во правење работи кои ги сакаш и работа со клиенти кои сам ги избираш.
4. Одлична можност за напредок
Најголем дел од фриленсерите започнуваат без искуство на овие платформи и работат на мали проекти, но за многу краток период имаат можност да работат на поголеми проекти, со посериозни работни обврски, па дури и формираат свои компании.
5. 100 % сигурност во работата
Пред сè, еден од бенефитите е тоа што си самиот шеф на себе и не можеш да добиеш отказ. Сѐ додека активно работиш со клиентите, долгорочно ќе имаш целосна контрола врз твојата иднина и заработка. Секоја од апликациите има свој начин на заштита на фриленсерите и политика за плаќање на сработените проекти.
Фриленсинг е начин на работа кој многумина го разгледале и размислиле за него, но малкумина го совладале или немале доволно знаење и храброст да започнат. Со поддршка на Импакт фондација, Кариерниот центар на Семос Едукација го разви новиот курс за фриленс кој е исклучителна можност за влез во светот на фриленсингот. Оваа соработка е дел од RECONOMY програмата и e регионална инклузивна и „зелена“ програма за економски развој на Шведската агенција за меѓународна развојна соработка (Sida), спроведена од Helvetas во партнерство со Импакт фондација и други партнери коимплементатори од Источна Европа, Јужен Кавказ и Западен Балкан.
Овој курс е структуриран да ти ги предаде сите суштински информации што ти се потребни за да ја започнеш кариерата како фриленсер.
(Комерцијална објава)