За многу кандидати, автошколата претставува извор на стрес. Учењето сообраќајни знаци, усвојувањето правила и прописи, разбирањето сложени ситуации, а особено снаоѓањето на раскрсниците може да предизвика главоболка дури и кај најупорните.

Сепак, дилемите не престануваат ни по добивањето на возачката дозвола. Затоа и денес се популарни илустрациите со сообраќајни сценарија кои бараат само едно - точен одговор на прашањето: Кој има предност?

Еден таков пример неодамна стана вирален на „Јутјуб“ и им го привлече вниманието на голем број корисници.

Станува збор за илустрација на раскрсница на која се наоѓаат три автомобили: жолт сместен на дното, бел од неговата лева страна, како и сив кој доаѓа од левата страна на белиот.

Ситуацијата дополнително ја комплицира фактот што на секој агол од раскрсницата се наоѓа знак „Стоп“, што значи дека возачите се должни да застанат и да ги почитуваат правилата за првенство на минување.

Дали го знаете одговорот на прашањето?

Детално објаснување

Според објаснувањето на авторот на видеото, решението лежи во добро познатото правило ако две или повеќе возила доаѓаат истовремено, секој возач мора да го пропушти возилото кое му доаѓа од десната страна. Возачот кој нема возило од десната страна има првенство на минување и може прв да продолжи со движењето.

Во конкретниот случај, тоа значи дека прв тргнува жолтиот автомобил бидејќи се наоѓа од десната страна на белото возило и со самото тоа има предност. Белиот автомобил тргнува втор бидејќи се наоѓа од десната страна на сивото возило.

На крајот, сивиот автомобил тргнува последен бидејќи мора да ги пропушти двете возила што му доаѓаат од десната страна.

Извор: Telegraf.rs 
Фото: YouTube/Screenshot