Глобалната медијанска возраст со текот на времето порасна бидејќи постарите луѓе опфаќаат сè поголем процент од населението. Мапата која ја покажува медијанската возраст во сите земји во светот открива и други интересни детали.

Што е медијанска возраст?

Медијанската возраст е слика за старосната распределба на населението. Таа претставува „средна точка“ на возраста на населението, каде што има ист број на луѓе постари и помлади од медијанската возраст.

Оваа бројка зависи од многу фактори: очекуваниот животен век, наталитетот, миграциите итн. Од друга страна, старосната структура на населението има значително влијание врз различни аспекти на општеството: стапки на економски раст, учество на работната сила, образовни и здравствени услуги, пазар на недвижности...

Кои земји се постари, а кои помлади?


Земјите со пониски приходи обично имаат помлада популација и побрзо растечко население, според податоците на „Аур ворлд ин дејта“.

Најниска медијанска возраст во 2025 година има Централноафриканската Република, 14,5 години, а највисока Монaко, 53,6 години, единствена земја каде што бројката надминува 50. Јапонија е втора со 49,8 години.

За споредба, медијанската возраст во Велика Британија е 40,1, во САД е 38,5, во Италија е 48,2, во Турција е 33,4, во Русија е 40,3 и Финска 43,2.

Македонија меѓу помладите земји во регионот

Во Македонија медијанската возраст на населението е 41 година. Интересна паралела може да се повлече со Албанија, која има слична старосна структура и се смета за една од поновите економии во регионот, каде што медијанската возраст е 38,9 години.

Што се однесува до соседството, медијанската возраст на населението во Словенија е 44,6, во Босна и Херцеговина е 45,7, во Хрватска е 45,3 и во Црна Гора е 40.

Извор: Nova.rs
Фото: Freepik