Браќата, кои беа осудени за убиството на нивните родители Хозе и Кити Менендез во 1989 година, долго време тврдат дека убиствата во нивниот дом во Беверли Хилс биле резултат на години сексуално и физичко малтретирање, а не желбата за наследство на нивното богатство.

Тие моментално издржуваат доживотна казна без можност за условна слобода во Калифорнија.

Нови докази и јавниот интерес ја променија судбината на случајот, кој ја подели јавноста и го привлече вниманието на нацијата.

Во март ќе се одржи сослушување, што би можело да доведе до намалување на нивните казни или нивно ослободување. Гувернерот на Калифорнија, Гавин Њусом, нареди да се изврши процена на ризикот, што е клучен чекор кон можно помилување.

Овој напредок во историјата на кривичниот случај е значаен, но не сите се среќни поради можноста тие да бидат ослободени.

Три сценарија до слобода

Постојат три можни патеки низ кои браќата патуваат во надеж за ослободување:

Помилување од гувернерот на Калифорнија

Помилувањето може да значи намалена казна или дури помилување, но тоа нема да го поништи нивното осудување.

Гувернерот на Калифорнија, Гавин Њусом, нареди да се изврши процена на ризикот дали браќата претставуваат опасност за општеството. Во зависност од резултатите, гувернерот може да одобри помилување, намалувајќи им ја казната и правејќи ги подобни за условна слобода или дури и целосно да ги ослободи.

Процесот ќе ги испита факторите за нивните злодела и нивната рехабилитација додека биле во затвор. Ова е првиот чекор во поширок процес што може да доведе до помилување.

Ново судење

Адвокатите на браќата побараа и ново судење. Тие укажуваат на нови докази за наводното сексуално злоупотребување од страна на нивниот татко и тврдат дека поротниците треба да бидат во можност да разгледаат помала казна, како што е убиство од нехумани мотиви.

Но, новоизбраниот јавен обвинител на округот Лос Анџелес, Натан Хохман, изјави дека неговата канцеларија ќе се спротивстави на ова барање.

Повторна пресуда за казна


Овој напор се фокусира на тоа дали браќата се рехабилитирале по 35 години во затвор и дали последните измени во калифорнискиот закон се применуваат на нивниот случај.

Во октомври 2024 година тогашниот јавен обвинител на округот Лос Анџелес, Џорџ Гаскон, препорача повторна пресуда за казна за браќата, повикувајќи се на развојот на калифорнискиот пристап кон малолетни престапници и жртви на злоупотреба.

Набрзо по оваа најава тој ја загуби изборната кампања. Одлуката сега е на сегашниот јавен обвинител Натан Хохман, кој ја разгледува и одлучува дали ќе ја поддржи оваа иницијатива.

Еден од клучните аргументи за повторно осудување произлегува од измена на законот на Калифорнија, кој дозволува осуденици кои биле помлади од 26 години кога го извршиле злосторството да бидат осудени како малолетници, а не како возрасни.

Зошто ова се случува 35 години по убиствата?

Неама Рахмани, криминален адвокат и поранешен федерален обвинител, вели дека совршената бура на пиар и политика довела до тоа браќата Менендез да имаат реална шанса за слобода.

Тој укажува на последното внимание што случајот го добил од познати личности, „Нетфликс“ драмата и документарецот за случајот, како и јавниот обвинител кој се обидувал да остане на власт.

Што вели семејството Менедез?

Повеќе од дваесетина членови на семејството Менендез објавија јавни апели за ослободување на Ерик и Лајл. Тие тврдат дека момците биле изложени на страшно сексуално злоупотребување од нивниот татко и дека тие не претставуваат опасност за општеството.

Сестрата на Кити Менедез, Џоан Андерсон Вандер Молен, изјави дека светот не беше подготвен да поверува дека момците може да бидат силувани или дека млади момци може да бидат жртви на сексуално насилство. Таа додаде дека сега знаеме подобро и денешната порота никогаш не би донела толку сурова пресуда.

Но, не сите во семејството се согласуваат.

Зошто браќата Менендез ги убиле своите родители?

Мотивот за убиствата долго време беше во центарот на случајот. За време на судењата, обвинителите ги претставија браќата како разгалени богаташи кои ги убиле своите богати родители за да пристапат до наследството од 14 милиони долари.

Тие тврдеа дека браќата купиле пушки и ги застрелале нивните родители 13 пати додека тие гледале телевизија. Потоа отишле на коцкање, на забави и на шопинг, купувајќи скапи производи, како часовници „ролекс“ .

Браќата на крајот признале дека ги убиле родителите, но тврдат дека постапиле во самоодбрана по години на емоционално, физичко и сексуално злоупотребување. Тие сведочеле на суд дека се плашеле дека нивните родители ќе ги убиеле ако не дејствувале први. Членовите на семејството сведочеле за злоупотребувањето, но ниту еден не видел со свои очи.

Извор: ВВС
Фото: Screenshot/YouTube