На денешната седница Владата донесе одлука да додели 50 стипендии за студенти со македонско потекло кои живеат во државите на Балканскиот Полуостров. Не е прецизирано за какви профили станува збор, но пишува дека стипнедиите се „од интерес на нашата земја“.
Кандидатите ќе се запишат како редовни студенти на државните универзитети „Св. Кирил и Методиј“ - Скопје, „Св. Климент Охридски“ - Битола, „Гоце Делчев“ - Штип, на Универзитетот за информатички науки и технологии „Св. Апостол Павле“ - Охрид, на „Мајка Тереза“ - Скопје и на Универзитетот во Тетово во студиската 2020/2021 година.