Американскиот синџир за брза храна „Мекдоналдс“ ќе им плати 26 милиони долари на работниците во Калифорнија што не се доволно платени.

„Мекдоналдс“ од 2013 година е на суд во врска со разни тужби од 38.000 работници. Меѓу другото, работниците го тужат за неплатена прекувремена работа, неплаќање гарантиран минималец, забрана за пауза и неплаќање за дополнителна работа, како што е чистење.

Како резултат на тоа, компанијата, освен тие 26 милиони долари, сега електронски ќе плаќа плати, бесплатно ќе дели нови униформи и јасно ќе назначува паузи. Ова е најголема спогодба во врска со платите на овој гигант за брза храна во САД.

- Иако сè уште веруваме дека нашите практики за вработување се во согласност со Калифорнискиот закон за труд, одлучивме да ја решиме таа тужба покрената на почетокот од 2013 година - соопшти компанијата.