Јапонскиот вселенски брод „Хајабуса 2“ на 10 јули се врати на местото каде што го бомбардираше астероидот Риугу за да собере примероци камења. И сега Јапонскиот центар за вселенски истражувања објави снимка од историскиот настан.
Фотографиите со кои е направено видеото се направени на интервали меѓу половина секунда и 5 секунди, во време кога вселенскиот број бил меѓу 8,5 и 150 метри над површината на астероидот.
Вселенската сонда е во орбитата на малиот астероид од јуни 2018 година, каде се обидува да помести примероци на карпи преку пукање и фрлање на експлозив. Пластичниот експлозив направи 10-метарски кратер на астероидот.
„Хајабуса 2“ успешно слета на Риугу на 22 февруари, а потоа го бомбардираше астероидот. Исто така, исфрли и два „скокачки“ ровери на површината на астероидот во септември минатата година и трет ровер во октомври.
Се планира вселенскиот брод да ослободи и лендер на површината на астероидот пред го започне патувањето наназад кон Земјата во декември 2020 година. Исто така ќе се обиде да пушти „Ровер-2“, мал робот опремен со термометар и повеќе
камери.