На околу 30 километри оддалеченост од градот Лех во Индија се наоѓа необичен феномен кој претставува туристичка атракција.

Станува збор за место наречено Магнетен Рид, на надморска височина од 4.200 метри, на државниот пат кој ги поврзува Лех и Каргил. На ова место, доколку застанете со автомобилот, тој ќе се движи нагоре кон ридот дури и доколку моторот на автомобилот е изгасен.


Локалните жители тврдат дека авионите што поминуваат над ова место мора да го прават тоа на поголема височина за необичните карактеристики на местото да не влијаат врз летањето. Меѓутоа, станува збор за оптичка илузија.

Поточно, местоположбата на теренот и околните падини создаваат оптичка илузија дека се качувате иако се спуштате надолу, па изгледа како автомобилите да се искачуваат наместо да се спуштаат.

Локалните жители веруваат дека ова место некогаш било патот до рајот, а луѓето што треба да отидат таму автоматски се привлечени кон ридот.


Извор: Dnevnik
Фото: Wikipedia