Менаџерка на човечки ресурси била удрена од автобус, по што умрела. Нејзината душа пристигнала до рајските градини, каде што ја пречекал св. Петар.
- Пред да се сместиш, имаме мал проблем. Никогаш претходно менаџер на човечки ресурси не стигнал толку далеку, така што не сме сигурни што да правиме со тебе - ѝ рекол св. Петар.
- Аха... Не можете едноставно да ме пуштите? - му одговорила жената.
- Би сакал. Но, имам повисоки наредби. Дадени ми се инструкции да поминеш еден ден во пеколот и еден ден во рајот, па потоа да одлучиш каде би сакала да одиш - ѝ рекол св. Петар.
- Би претпочитала да одам во рајот - рекла жената.
- Извини, имаме правила - ѝ рече св. Петар и ја испратил до лифтот што водел до пеколот.
Фото: Bibbin Z Thomas
Како што се отворила вратата од пеколот, жената се нашла на прекрасен терен за голф. Во далечината се гледало кафуле; околу неа имало многу пријатели, поранешни колеги, сите дотерани и убаво облечени, среќни, навивале за неа. Оделе до неа и ја бакнувале на двата образи и разговарале за старите добри времиња.
Играле голф и потоа отишле во кафулето каде што таа уживала во јадењето. Се сретнала со ѓаволот (кој бил многу фин) и одлично си поминала раскажувајќи шеги и танцувајќи.
Времето ѝ поминало брзо и требало да замине. Сите се поздравиле со неа и таа се качила во лифтот. Лифтот ја однел во рајот, каде што ја чекал св. Петар.
- Сега треба да поминеш време и во рајот - ѝ рекол тој.
Наредните 24 часа ги поминала на облаци, свирејќи на харфа и пеејќи, што било исто толку добро колку и во пеколот. На крајот од денот св. Петар се вратил.
- Помина ден во пеколот и ден во рајот. Мораш да избереш каде ќе одиш - ѝ рекол тој.
Жената се подзамислила и му одговорила:
- Рајот е навистина прекрасен, но подобро си поминав во пеколот. Го избирам пеколот.
Св. Петар ја однел повторно до лифтот и таа повторно се вратила во пеколот. Кога се отвориле вратите од лифтот, таа се нашла среде пустелија покриена со ѓубре и нечистотија. Ги видела своите пријатели облечени во партали како собираат ѓубре и како го ставаат во стари вреќи. Ѓаволот отишол до неа и ја прегрнал.
- Не сфаќам. Претходно кога бев тука, имаше терен за голф и кафуле. Јадевме и танцувавме и сите преубаво си поминавме. Сега сето ова е пустелија полна со ѓубре, а моите пријатели изгледаат мизерно - му рекла таа на ѓаволот.
Ѓаволот ја погледнал, ѝ се насмевнал и ѝ рекол: - Вчера те регрутиравме
тебе, денес ти си дел од персоналот.