Шега за која се зборува доста долго особено во САД е една од 1996 година кога ресторанот за брза храна Тако Бел платил огласи преку цели страници во седум водечки весници.

Во нив на први април напишал како го купил симболот на американската слобода – ѕвоното на слободата и дека името на својата компанија ќе го промени во Тако Либерти Бел. Продажбата на тој симбол била објаснета дека е со цел долгот на земјата да се намали.

Американците наседнале и пробале да се побунат против тоа. Шегата го достигнала врвот кога секретарот за односи со јавноста на Белата куќа побарал објаснување.

Дури попладнето на тој 1 април страстите се смириле бидејќи станало јасно дека тоа е шега. Ресторанот за брза храна од овој потег добил несекојдневен публицитет. Дејвид Пејн, основач на ПР агенцијата која била вклучена во создавање на оваа шала подоцна рекол дека тоа е најуспешен проект на кој некогаш работел.
Трошокот на целата кампања бил само 300.000 долари, а Тако Бели заработил 25 милиони долари од раст на продажбата на храна во рестораните.