„Нетфликс“ наводно има намера да ја зголеми цената на своите претплати, според познавачи, неколку месеци по завршувањето на штрајкот на глумците и сценаристите во Холивуд.
„Нетфликс“ веќе ја зголеми цената на одредени пакети, но и ја прекрати најевтината опција за претплата без реклами во САД и Велика Британија, како и во Канада. Не се знае кога точно ќе се спроведат најавените нови цени, како ни дали и другите стрим-платформи ќе го следат тој пример.
Здружението на телевизиски и радиоуметници на Америка (САГ-АФТРА) штрајкува од 14 јули. Останува нејасно кога ќе заврши штрајкот. Глумците завчера ги продолжија преговорите со Здружението на филмски и телевизиски продуценти (АМПТП), а разговорите ќе продолжат утре.
Од друга страна, Друштвото на писатели (сценаристи) на Америка (ВГА) го заврши повеќемесечниот штрајк откако постигна договор.
Откако се појавија вестите за претстојните покачувања на цените, акциите на „Нетфликс“ се зголемија за речиси 3 отсто. Се чини ова е вообичаен тренд, кога стрим-платформата почна да го укинува споделувањето лозинки, на пр., компанијата потврди дека има 5,9 милиони нови претплатници како директен резултат на оваа одлука.
Извор: МИА