Хит-песната на „Ауткаст“ од 2003 година „Hey Ya!“ беше мегапопуларна, а заразниот ритам и веселата музика беа причините поради кои се најде на врвот на музичките топ-листи.
Но, помалку е познато дека песната всушност крие подлабоко, потемно значење.
Тик-токерката Елизабет ја сподели песната како дел од нејзината серија наречена „Песни што ги доживуваш поинаку кога знаеш за што пеат“, а видеото собра 5,5 милиони прегледи и 1,4 илјади лајкови.
Според неа, песната зборува за проблемите на модерните врски и фактот дека луѓето остануваат во нив затоа што едноставно не сакаат да останат сами, а не затоа што ја сакаат другата личност.
Најтажната песна на светот
Тоа го поткрепува и фактот што минатата година на официјалниот твитер-профил на „Ауткаст“ беше објавена фотографија од спотот, а на главата на Андре беше означен мал дел што укажува на танцување, додека на остатокот од главата пишува најтажната песна некогаш напишана.
- Ако само го прочитате текстот, звучи како навистина тажна песна. Дури и на самиот крај, тој се осврнува на тоа како луѓето ќе ја гледаат песната како среќна и нема ни да размислуваат за подлабокото значење зад неа, и нема да сакаат ни да слушнат за тоа - објаснува тиктокерката.
Стихот гласи: „Не сакате да ме чуете, само сакате да танцувате“.
Извор:
Ladbible.com
Фото: Screenshot/YouTube