Од 1 јануари 1999 година, 11 европски земји го лансираа еврото како нова, заедничка валута, а денес еврото го користат 19 земји на ЕУ и повеќе од 340 милиони Европејци. Но, малкумина размислувале за мотивите на монетите од еврото. Доколку погледнете одблиску, ќе најдете различни мотиви: животни, мотиви од природата, почитувани личности.
Она што дефинитивно доминира кај монетите на еврото се животните, но има и мотиви од природата и уметноста. На пример, на француските монети од 1 и 2 евра има дрво на животот (дело на уметникот Хоаким Хименез), а овој мотив го симболизира животот, континуитетот и растот.
![1](/images/news/2022/03/20220304-dali-znaete-kakvi-motivi-ima-na-monetite-na-evroto-1.jpg)
Германска монета/Фото: Freepik
Муфлонот се наоѓа на монетата на Кипар, со оглед на тоа што оваа земја е негово живеалиште, а Германците го избраа орелот како симбол на суверенитетот и Бранденбуршката порта - која ја сметаат за симбол на поделба, но и обединување.
Летонија избра портрет на латвиска дама, а Малта малтешки крст. Шпанија, се разбира, го избра својот познат писател и поет Мигел де Сервантес, додека Словаците на своето евро ставија замок од Братислава од 15 век.
![шпанија](/images/news/2022/03/20220304-dali-znaete-kakvi-motivi-ima-na-monetite-na-evroto-2.jpg)
Шпанска монета/Фото: Freepik
Познато е дека Финците ја сакаат природата, па затоа оваа нација има флора и фауна на монетите од еврото. Белгија има портрет на кралот Филип, нејзиниот сегашен крал, а Холанѓаните имаат профил на кралот Вилем Александар, кој го презел тронот од мајка си пред речиси 10 години.
![belgija](/images/news/2022/03/20220304-dali-znaete-kakvi-motivi-ima-na-monetite-na-evroto-3.jpg)
Белгиска монета/Фото: Freepik
Андора, меѓу другото, има и пиринејска дивокоза и златен орел, а Австријците го избрале Моцарт. Композиторот е прикажан на монета од 1 евро. Монетите од 10, 20 и 50 центи прикажуваат архитектонски дела во Виена.
![avstrija](/images/news/2022/03/20220304-dali-znaete-kakvi-motivi-ima-na-monetite-na-evroto-4.jpg)
Австриска монета/Фото: Freepik
Грците го избрале приказот на Европа заробена од Зевс во форма на бик, а Италијанците се одлучиле за познатиот цртеж на Леонардо да Винчи, како и „Раѓањето на Венера“ од Ботичели.
![italija](/images/news/2022/03/20220304-dali-znaete-kakvi-motivi-ima-na-monetite-na-evroto-5.jpg)
Италијанска монета/Фото: Freepik
Словенците го избраа портретот на поетот Франц Прешерен, кој ги повика овие луѓе на независност во средината на 19 век. Тука е и Триглав, кој е и на словенечкото знаме.
![slovenska moneta](/images/news/2022/03/20220304-dali-znaete-kakvi-motivi-ima-na-monetite-na-evroto-6.jpg)
Словенска монета/Фото: Freepik
Извор:
Biznis.telegraf.rs
Фото: Freepik