Околу 20 студенти што присуствувале на седницата „Младите и парламентот“ легнале на подот пред претседателот на Бундестагот, Волфганг Шојбле, додека неколку од нив држеле транспарент со натпис: „Вашата политика за климата = катастрофа“.

Активистот Максимилијан Рајмерс изјави дека целта на овој перформанс била да посочи колку е критична ситуацијата, како и да се изврши притисок врз владата на Германија.

Шојбле воопшто не се збунил од перформансот и на студентите им рекол дека може мирно да лежат на подот.

- Слободно лежете си. Но, морам да ви кажам дека утре напладне морам да ја почнам седницата на парламентот и дотогаш ќе мора да си одите - им рекол мирно Шојбле.