Членовите на француското трио „Ана Кап“ ќе настапат во Македонската филхармонија на 11 февруари во 20 часот, на концертот насловен „Француски бакнеж“. Диригент на концертот ќе биде Џијан Емин, а гости на концертот се и виолинистот Оливие Самуијан и вокалистката Бети Жарден.
Триото „Ана Кап“ го сочинуваат Пјер Миле на труба, Мануел Декок на виолина и Жан Мишел Трото на хармоника.
- Триото свири, пее, танцува и „распарчува“ и ништо не е оставено на случајноста. Феноменалното шоу на француското трио „Ана Кап“ е вистинско камелеонско, инспиративно патување во кое се комбинираат виртуозна музика, чудесна комедија и дадаистички песни - стои во описот на триото.