Научници од американскиот Геолошки институт открија езеро на дното на кратерот на најактивниот вулкан на Хаваите – Килауеа, што е доста несекојдневна појава.
Истражувачите наведуваат дека вулканот ја загрева водата во езерото, односно во кратерот во кој некогаш имало лава. Температурата на водата е околу 70 Целзиусови степени.
Лавата во кратерот исчезна лани, кога Килауеа престана да еруптира.
Геологот Мет Патрик смета дека е тешко да се одреди колку е длабока комората на магмата под дното на кратерот. Огромни количества гас постојано избиваат на површината.
Се верува дека областа и натаму е непристапна и опасна, токму поради гасот и другите ризици.
Извор: МИА