Владата во Хаг одлучи да го ребрендира името на државата од Холандија во Недерланд, како дел од обидите за подобрување на глобалниот имиџ.
Властите оценуваат дека треба да се обнови сликата за земјата бидејќи името Холандија ги асоцира туристите на наркотици и амстердамскиот кварт на црвените фенери.
Новиот имиџ на земјата ќе се гради со името Недерланд, а ќе се популаризира на меѓународни настани, на пример, „Евровизија 2020“.
Предвидено е и спортистите на Олимпијадата 2020 во Токио да настапуваат под името Недерланд.
Во многу држави Холандија се поистоветува со целото кралство. Во земјата има две провинции - Северна Холандија и Јужна Холандија, но тие заедно опфаќаат 18 проценти од територијата на државата. Поголемиот број жители на јужните провинции Лимбург и Северен Брабант се против користење на името Холандија за цела земја.
Извор: МИА