„ЛЕНЗ терапеутикс“ доби одобрение од ФДА за ВИЗЗ, првите и единствени капки за очи на база на ацеклидин за третман на пресбиопија кај возрасни.

Компанијата вели дека се очекуваат примероци во Соединетите Американски Држави во октомври 2025 година, а комерцијалниот производ ќе биде широко достапен до средината на четвртиот квартал од 2025 година.

- Одобрувањето на ВИЗЗ од ФДА е пресвртница за ЛЕНЗ и претставува трансформативно подобрување на достапните опции за третман за 128 милиони возрасни лица што живеат со кратковидост во САД. Подготвени сме и возбудени да ги пласираме на пазарот првите и единствени капки за очи што се земаат еднаш дневно со докажана ефикасност до 10 часа - истакнал Еф Шимелпенинк, претседател и извршен директор на компанијата.

ВИЗЗ содржи ацеклидин, кој се одликува со својот диференциран механизам на дејство како миотик (лек за стеснување на зеницата), кој дејствува на ирисот, со минимална стимулација на цилијарниот мускул. Го контрахира мускулот на сфинктерот на ирисот, што резултира со „ефект на дупче“ и постигнува зеница помала од 2 мм, што ја проширува длабочината на фокусот за значително подобрување на видот одблизу без да предизвика кратковида промена.

- Ова претставува револуционерна промена на парадигмата во опциите за третман за милиони луѓе кои се фрустрирани и се борат со неизбежно губење на видот одблиску поврзано со возраста - истакнал клиничкиот истражувач на ВИЗЗ, Марк Блуменштајн.

ВИЗЗ ги исполни сите примарни и секундарни крајни цели на подобрување на видот одблиску, демонстрирајќи способност за подобрување на видот во рок од 30 минути и до 10 часа.   

Ова е добра вест за секој што користи очила за читање.