Според Управата за хидрометеоролошки работи, од утре до четврток времето ќе биде стабилно со пораст на дневната температура.
Утре и в среда по должината на Повардарието ќе дува повремено засилен северен ветер.
В петок под влијание на атмосферски фронт на повеќе места се очекуваат поројни врнежи од дожд, грмежи и засилен ветер, локално во форма на невреме.
В сабота ќе настапи преодно стабилизирање, а од недела ќе преовладува променливо облачно време со локален пороен дожд и грмежи, соопштија од УХМР.