Со намера да ги потиснат спамерите, од „Твитер“ дополнително го намалија бројот на профили што може да се заследат во текот на еден ден од 1.000 на 400. Со тоа тие сакаат да ја обесхрабрат практиката на масовно заследување и отследување кога корисникот ќе добие повеќе следбеници.

Follow, unfollow, follow, unfollow. Who does that? Spammers. So we’re changing the number of accounts you can follow each day from 1,000 to 400. Don’t worry, you’ll be just fine.

— Twitter Safety (@TwitterSafety) April 8, 2019

Така, отсега важат нови правила, па ако во еден ден заследите 400 профили, ќе добиете порака дека веќе не можете никого да заследите. Но, тоа не се однесува на проверените профили (Verified accounts), кои, за разлика од нас смртниците, и понатаму ќе можат да заследуваат до 1.000 нови корисници дневно.

First things first: You can’t stop spam, bots, or other types of manipulation with rate limits alone. However, rate limits *do* make each spam account less effective, slower, and more expensive to operate.

— Yoel Roth (@yoyoel) April 8, 2019

Од „Твитер“ го ограничија и вкупниот број на профили што можете да ги следите на 5.000. Ако сакате да следите повеќе, ќе мора да го зголемите бројот на луѓе што ве следат.