Шведската рударска компанија ЛКАБ го откри најголемото наоѓалиште на ретки оксиди во Европа. Станува збор за елементи кои се основни материјали во производството на електрични автомобили и ветерници.

Откритието може да има големо влијание врз транзицијата кон чиста енергија на континентот и може да ја направи Европа помалку зависна од Кина кога станува збор за снабдувањето со овие елементи. 

КЛАБ открила над еден милиони тони ретки оксиди во наоѓалиштето. Биле пронајдени прасеодимиум и неодимиум оксиди, кои се користат во производството на специјални магнети за електричните автомобили и ветерниците. 

Ова е најголемото познато наоѓалиште на ретки елементи во овој дел на светот и може да стане значајна алатка во производството на важни ретки материјали кои се клучни за да се овозможи зелената транзиција - изјавил главниот извршен директор на компанијата, Јан Мострон, пренесува „Јуроњуз“.

Иако е најголемо во Европа, наоѓалиштето е мало на глобално ниво, односно претставува помалку од 1 отсто од целото количество на овие ретки елементи во светот.

Копањето ќе почне по неколку години, а се проценува дека ќе поминат 10-15 години пред материјалите да започнат да се продаваат.

Извор: Euronews
Насловна фотографија: Pixabay