Податоците дека во изминатите 10 години украдени се повеќе од 70.000 велосипеди беа поттик за урбаните активисти во центарот на Скопје да постават џиновски метален велосипед, со димензии 3 на 1,8 метри. Активистите велат дека целта е да се подигне свеста за проблемот со крадењето велосипеди во Македонија.

- Скоро на секој велосипедист му е украден најмалку по еден велосипед. Полицијата засега не е успешна во оваа борба – го пронаоѓа секој илјадити велосипед. Ова е проблем проблем кој засега повеќе од 150.000 граѓани кои го користат велосипедот како еколошко, здраво и функционално превозно средство. За жал, многу од нив во изминатите години останаа без своите велосипеди – велат активистите.