Доколку наскоро се случи апокалипса, најбогатите луѓе немаат потреба за грижа. Тие имаат сигурно засолниште. Запознајте го бункерот „Vivas Europe One“.

Роберто Вичино е претприемач од Калифорнија кои во 80-те години добил порака од непознат извор која му велела да изгради засолниште за илјадници среќници кои ќе ги спаси во време на апокалипса. Оттогаш, тој се занимава со разни активности поврзани со преживување на крајот на светот, а неговиот најнов проект е изградбата на засолниште вредно 1,1 милијарда долари.

Засолништето се наоѓа во близина на германскиот град Ротенштајн и се простира на површина од 20.000 квадрати. Бункерот може да издржи каква било катаклизма, од нуклеарна војна до потреси и поплави, а наменето е само за елитата која може да си го дозволи.

Во бункерот има базени, теретани, кино, кафулиња, ресторани, вински подрум, училиште, црква, приватен хеликоптер и воз.