Македонија им даде поддршка и им посака среќа и успех на своите кошаркари пред заминувањето на Евробаскетот 2015. Нашите најдобри кошаркари заминаа за Загреб каде во сабота ги започнуваат настапите на Европскиот Првенство. Пред заминувањето за Хрватска, црвено жолтите во Синеплекс во „Сити Мол“ Скопје другаруваа со своите фанови. Најсреќните од нив од своите идоли добија маичка или баскет со автограм и фотографија.
Секако најбројни на другарувањето со репрезенативците беа децата, кој со насмевка на лицето на своите омилени спортисти им посакаа успех на престојниот еврошампионат.
На ЕП, Македонија ќе биде дел од групата заедно со селекциите на Грција, Холандија, Хрватска, Грузија и Словенија.
Линк до галеријата