„Нетфликс“ бара кандидати за реално шоу инспирирано од популарната серија „Игра со лигни“.

Во реалното шоу животот на учесниците нема да биде во опасност, како што е случајот во серијата. Наместо тоа, 456 учесници од целиот свет ќе играат игри во кои најлошото сценарио е враќање дома без никаква награда. Од друга страна, главната награда изнесува 4,56 милиони долари.

„Игра со лигни: предизвикот“, како што се нарекува реалното шоу, ќе биде прикажано на платформата во 10 епизоди. Дел од игрите ќе бидат инспирирани од оригиналната серија, а некои ќе бидат нови.


Учесниците треба да бидат постари од 21 година, да зборуваат англиски јазик и да бидат слободни во период од 4 седмици на почетокот од 2023 година, за време на снимањето. Пријавувањето е отворено на оваа веб-страница.

Популарната серија „Игра со лигни“, за која беше потврдена и втора сезона, ја следи приказната на луѓе во долгови кои се натпреваруваат за големи парични награди во смртоносни игри. Ова е најпопуларна серија на „Нетфликс“ на сите времиња и била гледана од страна на 111 милиони корисници во првите 28 дена од премиерата.

Извор: BBC
Насловна фотографија: Youtube (printcreen)