„Епл“ неодамна ја објави својата реклама. Четириминутното видео користи „стоп-анимација“ за да раскаже една симпатична приказна која покажува како луѓето можат да изгледаат како Скруџ, но всушност сакаат да се дружат. Главниот лик во рекламата прво се плаши од шефот, за подоцна да сочувствува со него, а видеото завршува кога двајцата заедно ручаат. Рекламата покажува дека треба да го видиме доброто кај луѓето.

 

Оваа емотивна петминутна реклама на автомобилската компанија ќе ве расплаче. Рекламата прикажува семејство каде што фокусот е на бабата која се чини дека страда од губење на меморијата. Шевролет нѐ потсетува да го негуваме времето со саканите во оваа празнична сезона. Помладиот член на семејството ја зема бабата за да ја повози до важните локации во нејзиниот живот и на крајот таа почнува да се сеќава на своето минато. Емотивниот крај доловува прекрасен момент кога мажот и жената се гушкаат додека таа му се придружува на семејството за време на празничната вечера.

 

Многу празнични реклами можат да бидат доста емотивни, додека други се забавни. Тоа е случајот со рекламата на „Кепитал уан“ во која Џон Траволта е облечен како Дедо Мраз. Тој оди низ различни продавници купувајќи со кредитна картичка пред да почне да танцува на култната песна „Staying Alive“.

 

Оваа возбудлива реклама ја истакнува радоста во празничната сезона. Во рекламата има еден куп Дедо Мразовци кои си прават добри дела еден на друг, на пример, еден му го дава последниот газиран пијалак на својот другар Дедо Мраз, а еден Дедо Мраз му помага на друг да крене тегови. Важно е да им помагате на другите за време на празниците.