Турите за набљудување птици во делови од албанскиот јадрански брег стануваат нова туристичка атракција на оваа земја.

Последните неколку години се зголемил бројот на птици во Албанија поради забрана на ловот на птици. Така, туристичките агенции во земјата започнуваат да нудат тури со водичи фокусирани токму на набљудувањето на овие суштества.

Најатрактивната област во Албанија за оваа активност е националниот парк Дивјаке-Караваста која се наоѓа на околу 90 километри јужно од Тирана. Се работи за најголемата лагуна во Албанија во која живее и загрозениот далматински пеликан.

Според официјалните податоци, Караваста е дом на дури 245 видови птици, а на второ место по разновидност се наоѓа лагуната Нарта кај Валона.

Популарно место е и Скадарското езеро, кое е најголемо езеро на Балканот и едно од најважното место кадешто поминуваат птиците преселници во Европа.