Бил Гејтс вели дека книгите се неговиот омилен начин за да научи нешто повеќе. Уште кога бил дете сакал да чита и вели дека во просек чита по една книга неделно. Ова е листата на негови омилени книги  од 2016 година, кои тој ги препорачува за време на празниците.


„String Theory“ од  Дејвид Фостер Валас -  Оваа книга нема врска со физика, но насловот ќе направи да изгледате многу паметно ако ја читате во авион или воз. Колекција е од пет есеи за тенис, а на Гејтс му е една од омилените бидејќи и самиот тој некогаш играл тенис.

„Shoe Dog“, од Фил Најт - Мемоар на коосновачот на „Nike“. Како што вели Гејтс, ова е искрен потсетувач на патот до успешен бизнис.

„The Gene“ од Сидарта Мукхерџи – Водич низ минатото, сегашноста и иднината на науката за геномот, со посебен осврт на етичките прашања. Книгата покажува дека лидерите кои најмногу даваат придонес во историјата и на човештвото, се токму оние кои не ги гледаме како „силни лидери“.

 

„The Grid“ од Гречен Баке – Авторот потенцира зошто електричната мрежа е едно од најголемите инженерски чуда на модерниот свет. Исто така е објаснето зошто модернизирањето на мрежата е толку комплексно и критично за градење на иднина со чиста енергија.