Од колекција кратки приказни до роман за корејско семејство, ова се најдобрите книги што ги понуди изминатава година.

10. Џоан Силбер, „Improvement“

Славната Силбер создава уште еден уметнички структуриран роман во кој приказните на повеќето ликови се раскажани на доста остроумен начин, поминувајќи низ генерации и континенти. Кики се упатува кон Истанбул во 1970 година и стапува во брак со Осман, продавач на теписи. Бракот се распаѓа откако таа ќе го следи Осман во неговото изолирано родно село.

9. Мин Јин Ли, „Pachinko“

Книгата следи четири генерации од едно корејско семејство од 1910 година кога Јапонија ја анектирала Кореја. Започнува со рибар и неговата сопруга, кои управуваат со пансион во село во близина на пристанишниот град Бусан.

8. Маргарет Вилкерсон Секстон, „A Kind of Freedom“

Првиот моќен роман на Секстон го следи семејството црнци што живее во Њу Орлеанс за време на Втората светска војна, сè до последиците од ураганот „Катрина“.

7. Џорџ Сандерс, „Lincoln in the Bardo“

Сандерс, веќе познат како маестрален раскажувач, ја освои наградата „Man Booker“ за оваа година. Романот се случува на гробиштата откако синот на Абрахам Линколн, Вили, починал од тифус на 11-годишна возраст во 1862 година. Претседателот жалел додека се случувала Граѓанската војна.

6. Луис Ердрич, „Future Home of the Living God“

Неодамна наградената трилогија на Ердрич ги истражува концептите на правдата во лирска проза. Изненадувачки, подоцна таа се претвора во дистописка фикција. Таа создава кошмарен регресивен свет во кој се менува еволуцијата, што доведува до коњи со големина на мачки, гуштери и мртвородени бебиња.

5. Роксан Геј, „Difficult Women“

Геј дава моќен глас што тече низ нејзиното дело како романсиер и културен критичар на 21 кратка приказна во нејзината колекција. Дел од нив го истражуваат интимниот процес на пребродување на стравот и болката за преживување.

4. Шерман Алекси, „You Don’t Have to Say You Love Me“

Дивиот лосос обезбедувал физичка и духовна издржливост меѓу Интериор Салиш - народот на Алекси. Во 1938 година, пет години по изградбата на браната Гранд Кули во Вашингтон, оваа риба исчезнала.

3. Кристина Гарсија, „Here in Berlin“

Новиот роман на Гарсија е ингениозно структуриран, од потресен до шокантен. Посетителот, кубанско-американски раскажувач, во 2013 година патува во Берлин во потрага по приказни и ги наоѓа на сосема неочекувани места.

2. Џенифер Еган, „Мanhattan Beach“

Ова е повеќеслоен роман чие дејствие се одвива во 40-тите години во Бруклин. Со интимен фокус, Еган раскажува за Еди Кериган, Ирец кој ја преживува депресијата работејќи за мафијашот Декстер Стајлс и неговата ќерка Ана.

1. Јесмин Вард, „Sing Unburied, Sing“

Вард ја освои Наградата за национална книга за овој прогонувачки роман чии проблеми го вклучуваат 13-годишниот Џо Џо, кој се наоѓа на клучна раскрсница. Неговата свест за смртноста и неправдата се меша со љубов кон неговите баба и дедо Поп и Мам и неговата тригодишна сестра Кејла.